有关推广普通话的笑话或故事
伲外生是小小推普员腾飞拉外公\文(江南)腾飞养拉北方，不过自从渠会得讲闲话，渠拉爷娘就用上海闲话搭渠交流，个咾至今渠只习惯一种语言——吴语（之太湖方言上海闲话）。伲家主婆是北方人，吴语听大弗懂。囡儿受渠影响，解山河一般侪用普通话个。腾飞有常时看见仔就打棚：“姆妈跟牢外婆做‘普通人’，我覅做普通人，我要跟牢外公做堂堂正正有文化个江南人。”每年子， 渠拉一家三口侪要回到上海爹爹搭过春节。腾飞搭上海淘伴孛相，总归讲一口流利个吴语，渠拉却一直讲眼安徽味道重来些个普通话。淘伴老奇怪个，为啥腾飞吴语讲了介标准。腾飞讲渠也老奇怪个，为啥娜吴语讲弗连牵，普通话也弗灵光，赛过猪八戒照镜子嘛。渠拉听仔又是羞愧又是眼痒，“文化人”前“文化人”后叫渠。腾飞又是自豪又是开心，渠个个“文化人”真是沾仔吴语个光呀！淘伴常庄绕牢渠教渠拉讲吴语……腾飞总归对渠拉讲：“生是吴越人，顶爱江南话。死脱一家门，弗讲破捅蛙。”家主婆老底子之所以看中我，就是欢喜我一口标准个上海吴语。为仔搭我有“共同语言”，渠勉为其难、投我所好，进修吴语。渠个“吴语”有辰光让我捧腹大笑。个种情景，渠总归要咕：“唉，吴语哪能介难个啦，我对音总归寻弗着规律。”我板起面孔搭渠讲：“普通话四声乱窜、清浊混同、尖团弗分，个种金元虏语搭吴语哪能对得清爽呢。”训好，我再耐心讲解：“‘夹逼pih准则’弗是‘夹{尸穴}pi准则’，‘受惊cin’弗是‘受精tsin’。”渠一本正经跟牢我逐字逐句读，认真个劲道弗比小学生推扳。渠每发一个字音，只要有错，我就及时搭渠纠正。我千方百计为渠创设“讲闲话”情境，就是吃饭辰光也弗放过纠正个机会……通过“短期培训”，家主婆学有所成。从此以后，我伲彼此交流频繁了，我伲感情也越来越深厚了——腾飞拉娘也就养出来了。吴语带畀伲屋里无限个乐趣。大年夜，渠拉一家门围坐拉餐桌旁，说说笑笑，其乐融融。此时此刻，腾飞拉娘总归笑微微个讲：“腾飞弗忘祖，变仔小小‘推普’员哉——thetau普通话 ！”注: 此文曾获得老年组作文竞赛"终身成就奖"。
标签：普通话,笑话,推广
